ما هي مقادير السينابون

السؤال هو ما هي مقادير السينابون

طريقة العجينه:
==============

1 كأس ماء افيء + كأس لبن

2 ملعقه خميره

5 ملاعق حليب بودر

نص فنجال سكر

ذرة ملح

ثلث كأس زيت

اربع كأس دقيق ويمكن تحتاجين الى نص كأس اضافي

الطريقه :
=========

نخلط الماء + الخميره ثم اللبن والسكر والملح والحليب البودر ، ثم يضاف الدقيق وتخبطين في العجينه وأثناء التخبيط تضيفين عليها زيت شوي شوي واذا انتهيتي من العجن تكورين العجينه وتغطينها وتحطينها في مكان دافيء

بعدها تجهزين الحشوه
===================

وهي:

سكر بودره + كاكاو بودره + قرفه بودره

واذا تخمرت العجينه
تأخذين بقبضة اليد عجينه وتفردينها وترشين عليها ملعقة سكر بدوره ونص ملعقه كاكاو ونص ملعقه قرفه
ثم تلفينها مثل الرول و تقطعينها ويكون عرض القطعه 2 سم..
وتصفين القطع في صينيه مثل طريقة صف خلية النحل بس تبعدين بينهم شوي
بعد ما ترصينهم تتركينها تتخمر لثلث او نص ساعه
ثم تحطينهم بالفرن وهو دافيء طبعا
بعد ما تستوي من تحت وتحمرنيها من فوق

تضيفين عليها الصوص التالي :
===========================
تحطين في الخلاط :
4/3 كوب حليب نيدو
4/3 كوب سكر
3/1 كوب ماء أو اقل من ذلك

+ أربع حبات جبن كيري

أو
((يمكن تضيفين حليب نستله مع ثلث كأس ماء + أربع حبات جبن كيري بدل الخلطه هذي بس انا اشوف ان الخلطه هذي احسن طعم ))

ثم تضيفينها على السينابون وهو حار واغمريها بالخلطه

ولا تنسين غطيها كويس واتركينها حتى تتشرب الخلطه

وبعد كذا قدميها وهي حاره وزينها بشكولاته الهرشي