ماهي طريقة عمل الشيش برك

السؤال هو ماهي طريقة عمل الشيش برك

مقادير العجينة:
===============
2-كأس طحين منخول .
ملعقة صغيرة ملح
ملقعة كبيرة زيت
نخلط الطحين والملح والزيت و بعدين نضيف الماء شوي شوي ونعجن هتبقى العجينة طرية وما بتلزق باليد
ونتركها شي نصف ساعة ترتاح او ساعة مع تغطيتها بمنشفة مبلولة

مقادير الحشو :
==============
نصف كيلو لحمة مفرومه
كميه بقدونس مفرومة صغير كتير (في ناس ما بيحطوها )
بصلة كبيرة مفرومة ناعم كتير كمان
ملح ،فلفل، بهار

نقلي البصلة لحد ما تدبل مش تنحرق او يتغير اللون
نضيف اللحمة والملح والبهار ونقليها كويس اوى
اخر شي نضيف البقدونس
ونترك اللحمة لتبرد ونحاول نشفها من الزيت لانه ما بيخلي العجينة تقفل اذا كان كتير

الطريقة :
=========
نرق العجينة منيح بالشوبك او بألة العجين
نقطع العجينة بكاسةمدورة بس صغيرة او بألة التقطيع وكل ما كانت الدائرة اصغر اطيب واحلى
بعد ما نقطع العجينة بشكل دائري ناخد كل دائرة ونضع بداخلها نصف ملعقة صغيرة من الحشو ونقفلها على بعض بشكل هلال
بعدين ناخد طرفين الهلال ونلزقهم ببعض

طبخ اللبن :
3علب لبن زبادي العلبة 400غرام

اعلبة من الزبادى بس فيها ماء فقط

3 ملاعق كورن فلاور كبار بس ممسوحين

ملعقة صغيرة ملح وبعدين ممكن نزيد الملح حسب الذوق
نضربهم بالخلاط اونخلطهم كويس اوى ونضعهن على نار متوسطة مش عالية حتى ما يلزق اللبن و نحرك ونحرك ونحرك ليغلي اللبن

نسقط الشيشبرك بهدوء ونتركه على نار هادية حوالى عشر دقايق لانه العجينة رقيقة وصغيرة

ممكن اللبن مع الكسبرة والثوم في ناس بتحبه سادة او مع انعناع

نعمل الكسبره ونحط ملعقة كبيرة سمنة ونضع كسبرة مفرومة ناعم وفصين ثوم مدقوقين

نحمرهم كويس فوق اللبن قبل ما نطفي بدقيقتين والف صحة وعافية