ماذا ياكل جرو البيتبول

السؤال هو ماذا ياكل جرو البيتبول

من سن 3 شهور لسن 6 شهور:


الجرو في السن ده لازم ياكل 3 وجبات مكتمله وهي كالآتي
إفطار: 4 بيضات مخفوقين مع ربع كيلو حليب قليل الدسم مخفف بماء دافئ مع 4 ملاعق سكر كبيره و ملعقة زيت زيتون

الغداء: نصف كيلو كبده بقري أو جاموسي مقطعه قطع صغيره وتسلق في ماء مع 200 جرام خضار مشكل وملعقة زيت وفص ثوم مفروم ورغيف عيش بلدي علشان يكون فيه رده وممكن بدل العيش كوباية رز أبيض

ممكن استبدال الكبده باللحم أو بنصف كيلو هياكل فراخ والافضل اننا نشكل كل يوم وجبه من دول

العشاء: هيكون 8 ملاعق فول مع بيضه مسلوقه ورغيف عيش

الكلاب من سن 6 شهور لسنه
الكلاب في السن ده بتاكل وجبتين في اليوم وهي كالآتي
إفطار: مره بيكون بيض مخفوق زي ما قلنا قبل كده أو خمس بيضات مسلوقين مع رغيف عيش بلدي و3 قطع جبنة مثلثات وربع كيلو لبن مخفف بالماء الدافئ

الغداء: هيكون نص كيلو كبده أو لحمة مسلوقه مع 400 جرام خضار ورغيف عيش بلدي او كوبايه رز وممكن نستبدل الكلام ده كله بكيلو هياكل فراخ مسلوق مع رغيف عيش او كوباية رز و 200 جرام خضار

الكلاب من سن سنه:
وجبة واحده في اليوم وهي بتكون مش اقل من كيلو كبده أو لحمة أو هياكل بردو مسلوقه بنفس الطريقه بس هنزود كمية الخضار و العيش